Градежни услуги во сегментот на изработка на различни видови на кровни конструкции, кровни покривки и придружни елементи за секаков тип на градежни објекти. Употреба на различни висококвалитетни градежни покривни материјали: пластифициран или специјално обложен лим, керамиди, лексан, шиндра и други атрактивни материјали.

Кровот е конструктивен склоп со кој завршува изградбата на куќата, станбената зграда или комерцијалниот и стопански објект. Неговата намена е да ги покрие и заштити просториите од надворешни влијанија (дожд, снег, ветер, сонце, високи и ниски температури и др). Бидејќи е можно однадвор и да е видлив, во најголем број случаеви важно е да се посвети внимание и на архитектонското и естетското обликување на кровот.

Кровната конструкција и покривка мора да биде изработена квалитетно и прецизно за да се избегнат бројни можни проблеми. Затоа е потребно да се примени правилна техника во изработката, како и употреба на квалитетни материјали, како за главните и основни кровни елементи, така и за сите додатни работи.

Франшиза системот опфаќа понуда на широк асортиман на кровни конструктивни, покривни и придружни материјали и изработка на кровни конструкции, изолација, поставување кровни покривни елементи, наклони и други опшивки, олуци, изработка на настрешници и летниковци итн. според највисоки стандарди и гарантиран квалитет.