Барањата за квалитет на прехранбените производи започнуваат уште во фазата на производство. Суровините и помошните материјали што се користат во производството на храна се одлучувачки кога станува збор за квалитетни крајни производи. Квалитетот на репроматеријалите, исто така, мора да гарантира комплетен стандард за хигиена во целиот ланец на производство.

Квалитетот, цената и безбедноста на храната е најважното за потрошувачите, па затоа, набавката на квалитетни репроматеријали по конкурентна цена е од особено значење за производството и за обезбедување рентабилно работење со обезбедување на бараниот квалитет и атрактивност на крајните производи.