Во „Службен весник на РСМ“ бр.41/22, Владата на РСМ објави Одлука за посебни услови за трговијата на одделни стоки.

Во „Службен весник на РСМ“ бр.41/22, Владата објави Одлука за посебни услови за трговијата на одделни стоки.

Оваа Одлука ќе се применува од 1 Март 2022 година до 31 Мај 2022 година.

Со оваа Одлука е определена највисоката трговска маржа за сите трговски друштва и трговци поединци кои учествуваат во трговскиот ланец во трговијата.

Трговската маржа се утврдува во вкупен износ:

• до 5% на продажната цена пресметана во трговијата на големо,
• до 10% на продажната цена пресметана во трговијата на мало.

Во вкупниот износ на трговската маржа во трговијата на мало се вклучени рабатот и надоместоците кои трговецот на мало ги наплаќа од трговецот на големо и тоа за рекламирање и за изложување на стоките на рафтови, односно полици (примарни и секундарни позиции).
 
Овој посебен услов во трговијата се однесува за следните стоки:

• Леб;
• Шеќер;
• Сол;
• брашно-тип 400;
• сурово сончогледово масло и сончогледово масло за јадење;
• трајно млеко со масленост од 2,8%, 3,2% и 3,5%;
• свежо месо и сувомеснати производи;
• сирење и урда;
• Ориз;
• Јајца;
• Тестенини;
• Пченица и
• Овошје и зеленчук.